El Día Internacional de la Llingua Materna celébrase añalmente'l 21 de febreru en tol mundu pa concienciar sobre la diversidá llingüística y cultural y el multillingüismu. Foi proclamáu pola UNESCO'l 17 de payares de 1999. La so celebración reconocióse tamién pol Conceyu Xeneral de les Naciones Xuníes na so resolución del añu 2008 como l'Añu Internacional de les Llingües.

L'orixe:

El Día Internacional de la Llingua Materna tien llugar cada añu dende febreru de 2000 pa promocionar la diversidá llingüística y cultural y el multillingüismu. La data representa'l día de 1952 cuando los estudiantes, manifestándose pola reconocencia de la so llingua, el bengalín, como una de les dos llingües nacionales del Pakistán d'entós, fueron disparaos y asesinaos pola policía en Dhaka, la capital de lo que ye agora Bangladesh.

¿Por qué esti día a nivel internacional?

Les llingües son les más poderoses ferramientes pa conservar y desendolcar el nuestru patrimoniu tanxible ya intanxible. Toa aición pa promocionar l'espardimientu de la llingua materna sirvirá non solo pa fomentar la diversidá llingüística y la educación multillingüe, sinón tamién pa desendolcar la conciencia más completa de les tradiciones llingüístiques y culturales al traviés del mundu y pa inspirar solidaridá basada nel entendimientu, tolerancia y diálogu.

¿Y n'Asturies?

1. Una llingua
2. Tres llingües
3. Cinco llingües

¿Cuál ye la llingua más falada del mundu?

1. Rusu
2. Inglés
3. Chinu mandarín

Facebook International Languaje Mother 
L'idioma asturianu