Asturies, más de 40 quesos pa saborear y deprender xeografía
.jpg&container=blogger&gadget=a&rewriteMime=image%2F* "images+(2)")
Asturies tien muncha tradición quesera. Alcontramos más de 42 variedaes, convirtiéndonos nel mayor territoriu européu con más tipos de quesu autóctonu.
Por tola xeografía asturiana, la fabricación de quesos n'otros tiempos yera bayurosa y formaba parte de la casería y de la vida diaria. Cada llugar tenía'l so quesu, polo que fueron y son un productu básicu dientro de la gastronomía asturiana. Munchos d'ellos tan desapaecíos o arrequexaos na vida doméstica de algunes cases, por dellos motivos:
- El cambiu de trabayu de la xente, dexando l'agricultura y la ganadería pa trabayar na industria o nel sector servicios
- La marcha de los pueblos a les villes y ciudaes
- La decadencia del sector llecheru (Hai que recordar qu'Asturies, a prinicipos del sieglu XX foi la primer productora llechera n'España)
- La dificultá na comercialización del mesmu pola poca producción
L'únicu quesu que se mantuvo foi'l Cabrales anque col pasu de los años se fueron y se van recuperando munchos y anguaño, son una práctica artesanal n'aumentu, pol puxu cultural d'esti productu tán grande.
Vamos ver dalgunos d'ellos:
- Quesos con Denominación d'Orixe Protexía (D.O.P.):
QUESU CABRALES (D.O.P.1981. Cabrales y Peñamellera Alta)QUESU CAMONÉU (D.O.P. 2003. Onís y Cangues d'Onís)
QUESU AFUEGA'L PITU (D.O.P. 2003. Morcín, Riosa, Gráu, Tameza y Salas)
QUESU CASÍN (D.O.P.2008. Casu, Sobrescobiu y Piloña)
¿Qué ye la Denominación d'Orixe Protexía.?
La D.O.P. tiénenla los productos que cumplen con:
- Tener un llugar determináu de procedencia (Asturies, Cabrales...)
- Pola so calidá y característiques que tien el productu, fundamentalemte o esclusivamente por mor de que pertenez a un mediu xeográficu particular, colos factores naturales y humanos qu'hia nesi llugar.
- Porque les fases de producción acontecen en la so totalidá nesa zona xeográfica determinada.
- En procesu de D.O.P., ye dicir, agora ta cola Indicación Xeográfica Protexía (I.X.P), pasu previu a la D.O.P.
QUESU DE LOS BEYOS (Ponga y Amieva)
¿Qué ye'l Indicación Xeográfica Protexía?
QUESU DE LOS BEYOS (Ponga y Amieva)
¿Qué ye'l Indicación Xeográfica Protexía?
La I.X.P. ye'l pasu previu a la regulación d'un productu como D.O.P. y tiénenla los que cumplem:
- Un llugar determináu
- Tien que tener una cualidá determinada, una reputación u otra característica que puea esencialmente atribuise al so orixe xeográficu
- De toles fases de producción, al menos una tien que tener llugar na zona xeográfica a la que pertenez
QUESOS D'ASTURIES POR CONCEYOS:
PARRES: quesu de Peña Tú
LLANES: quesu de piedra, quesu de Carriles o inxestu, quesu de Porrúa, quesu de Pría, quesu Urriellu, quesu de Vidiago, quesu de Cuevas del Mar, quesu San Roque del Acebal.
PEÑAMELLERA BAXA: quesu de Monje, Monje Picó (variedá del Monje), quesu de La Chivita, quesu de Canal de Ciercos
ONÍS y CANGUES d'ONÍS: quesu de Gamonedo/Gamonéu/Camoneú
AMIEVA: quesu La Collada. quesu de Los Beyos, Vega de Sebarga. quesu oveyeru, 
AVILÉS: quesu de Miranda Monje
ILLAS: quesu La Peral, quesu gorfoli (artesanu), quesu de Peñaceo
LES REGUERES: quesu lazana
SIERO: quesu de varé, quesu castañeru
NAVA: quesu Ovín
PILOÑA: quesu de Madelva, quesu afuega'l pitu
LLAVIANA: quesu d'El Borxal
SAMARTÍN DEL REI AURELIO: quesu de La Peña, quesu el güelu
LLANGRÉU: quesu el güelu
AYER: quesu podre (artesanal, fechu polos pastores y vaqueros ayeranos)
L.LENA: quisu de vixiga (ellaboráu nuna vixiga de gochu), quesu de fuente
MIERES: quesu d'Urbiés
QUIRÓS: queisu de bota
PROAZA: quesu de fuente
VALDÉS: quesu valdesano
CUAÑA: quesu d'Abredo
TARAMUNDI: quesu carbayo (variedá de nuez y ablanes)
GRANDAS: quesu d'Ozcos
CANGAS DEL NARCEA: quesu xinestoso
LA ELLABORACIÓN DEL QUESU:
LA ELLABORACIÓN DEL QUESU:
ACTIVIDAES
1. Xune cada conceyu cola so cabecera y el so quesu :
2. A ver si yes quien a facer nesti mapa-puzzle tolos conceyos queseros d'Asturies
 |
| Calca na imaxe pa xugar |
¿Gústate'l quesu?
¿Cuálos comiste o probasti dalguna vez?
¿Cuál ye'l to quesu favoritu?
Cuando vayas al mercáu, mira a ver si se vienden quesos d'Asturies y apunta cuálos y d'onde vienen. Pues preguntái al queseru. Mira a ver si nes etiquetes usen la llingua asturiana.
Visites recomendaes:
0 comentarios:
Publicar un comentario