Yá sabemos que'l diccionariu ye un llibru curiosu que recueye toles palabres d'un idioma (ordenaes dende la a hasta la z) y define toles palabres d'un idioma.

Pa la llingua asturiana, amás del llibru (que ye bien curiosu) tamién atopoamos la propuesta qu'hai na rede: Diccionariu de l'Academia de la Llingua Asturiana: DALLA

Otra propuesta bien afayadiza ye la recoyida de palabres al rodiu los campos semánticos: TermAst (propuestes de terminoloxía asturiana)

Dende'l 2011, ta disponible p'ANDROID, una aplicación llibra pa móviles en llingua asturiana. Tres nuna: diccionariu, traductor y conxugador de verbos.

Depués de ver el llibru y la versión que hai na rede, facer unes cuantes búsquedes de palabres, vamos a facer sopa de lletres. Sí, sí, una sopa de lletres. Estos son los pasos a siguir:

1. Vamos a entrar y escoyer una de les propuestes de TermAst (la que más vos preste). Tamién podemos entrar nel apartáu d'esti blog de dicires y escoyer una de les d'ehí. 
2. Escoyemos de 10 a 15 palabres variaes, que depués vamos tener que poner na sopa de lletres.
3. Depués vamos a entrar equí:  Xenerador de sopes de lletres y rellenamos n'asturianu los que nos pide: títulu (en función de les palabres escoyíes), subtítulu (ponemos l'enunciáu y si hai que dar dalguna indicación), depués, les palabres (una a una) y pa finar, calcamos en xenerar y va salinos una pantalla cola sopa de lletres yá fecha. 
4. Dámos al botón de guardar y va xeneranos un documentu que guardamos nel escritoriu del ordenador.
5. Pa finar, teneis que mandámelu al corréu: llinguanelaula@gmail.com (alcordáivos d'axuntar la imaxe nel mesmu)

Exemplu: