Cantar: el cascoxu coxu de Mestura
Esta poesía pertenez al llibru “Poemes de carambelu” y fala d’un animalín al que-y presta muncho l’agua.
La lletra:
YO TENGO UN CASCOXU COXU
QUE SAL LOS DÍES QUE LLUEVE
CON UN PARAGÜES MUI GRANDE
QUE TIEN LLUNARINOS VERDES
LLEVA AL LLOMBU LA CASINA
ONDE DUERME PELA NUECHE
Y CUANDO-Y TOQUEN LOS CUERNOS
ENSEGUIDA S'ESCUENDE
PRÉSTA-Y METESE NOS CHARCOS
Y ESBARIAR ENTE LA NIEVE
Y PONESE NA VENTANA
PA VER SI LLUEVE O NUN LLUEVE
Mas info:
Mestura folk
Y esti ye'l cantar del cascoxu de Xentiquina, que vamos ver nel llibru de Pitín 2:
La lletra:
DESPACÍN AL PASÍN
VA'L CASCOXU PEL XARDÍN
COLOS CUERNOS AL SOL
VA FACIENDO'L SO CAMÍN
ENXAMÁS LU VERÁS
COL LLIMIAGU DISCUTIR
A QUIEN-Y PRESTEN MÁS
LES LLECHUGES DEL VECÍN
LA CASINA MANGADA NEL LLOMBU
FAI LES COSES SIEMPRE SELEQUÍN
ENXAMÁS LU VERÁS ATECHASE
PRESTA-Y MUNCHO SENTIR L'ORPÍN
DESPACÍN AL PASÍN
VA'L CASCOXU PEL XARDÍN
COLOS CUERNOS AL SOL
VA FACIENDO'L SO CAMÍN
PALABRERU VISUAL:
CASCOXU cascoxu
LLIMIAGU llimiagu
LLECHUGA llechuga
ORPÍN orpín
LLOMBU llombu
0 comentarios:
Publicar un comentario