martes, diciembre 09, 2014

Esta navidá en mio casa vien l'anguleru, ¿na tuya?...






¿Alcordaisvos?. Si, si esti ye L'Anguleru ye l'encargáu de trayer los regalos a los neños y neñes asturianos en nuechebona.

Antiguamente, mentes la pesca ivernal de l'angula, munchos anguleros emplegaben el sobresueldu de les ganancies pa mercar regalos a los neños.


Vive tol añu na Mar de los Sargazos, cerca d'América, curiando de les anguiles y les angules, hasta que n'iviernu apuerta a Asturies na so llancha L'Angulina na nueche del 24 d'avientu, onde cola angula que pescó merca regalos a los neños y neñes d'Asturies.

Entra pel ríu Nalón onde la xente de L'Arena lu reciben tolos años nuna cabalgata. Dempués d'esti recibimientu ye cuando cola percorriendo tolos ríos, regueros, llagos, fontes y asina dexar nes cases los regalinos pa los neños y neñes. 
 Esta ye la carta al anguleru

Si quies que l'Anguleru te traiga dalgún regalín tienes que-y escribir una carta y dexar al pie del árbol de navidá un gorru de llana y dalgo de comida, pa que reponga fuerces...¡yá sabeis, que l'Anguleru vos traiga munches coses!

Por si acasu, L'Anguleru tien Facebook pa ver tolo que va faciendo: Facebook l'Anguleru y agora tamién tien una páxina web: languleru.com

Les actividaes del cole al rodiu l'Anguleru:

Vamos toles clases del Colexu Públicu Alfonso Camín nel II concursu de pintura del Anguleru. Les bases del concursu tán equí: bases concursu de pintura.

Equí vos dexamos una bona montonera de dibuxos colo que vamos participar nel concursu. A ver si vos prestan.


Tamién vamos sentir el villanciu l'Anguleru

Más info:

Y los responsables de too:

0 comentarios:

Publicar un comentario

Licencia de Creative Commons
llingua nel aula