N'Asturies, la música xuega un papel perimportante no que finca al usu del asturianu y gallego-asturianu. Ye impresionante la montonera de grupos qu'usen la nuestra llingua pa cantar, en tolos estilos musicales que t'imaxines y con instrumentos de toles races (dende los tradicionales a los ellectrónicos).

Poro, la escena musical asturiana xuega un papel perimportante na normalización del asturianu y del gallego-asturianu, por dellos motivos, ente ellos: como ferramienta d'usu anguño y de tresmisión de xeneración en xeneración del nuestru idioma, como elementu vindicativu pa la recuperación y caltenimientu social del asturianu y gallego-asturianu, etc...

Vamos facer una xera d'investigación al traviés d'un trabayín al rodiu la música n'asturianu.
Plazu: 3 de mayu de 2015

La xera:

Vais tener que facer un trabayu individual al rodiu un grupu d'Asturies que faiga música n'asturianu, ye dicir, qu'usen l'asturianu o'l gallego-asturianu. Da igual l'estilu que seya.

El trabayu vais facelu usando internet onde podeis algamar tola información que vos faiga falta (tamién nes publicaciones añales qu'esisten: anuarios, llibros, ...).

El formatu va ser nun documentu de word coles siguientes carauterístiques

• tipu de lletra arial, xustificada.
• tamañu 14 en negrirta pa los títulos y 12 pa los testos

Depués vamos a convertilu a pdf (archivu, guradar /imnnprimir pdf) y unviálu al corréu: llinguanelaula@gmail.com El que lu quiera facer a mano tamién val.

Esta ye la cadarma que teneis que siguir pa facelu: