miércoles, noviembre 06, 2013

Nun nos gusten les lenteyes....y ¿a tí? Un cantar de Xentiquina ¿sabéis quien son?

Cantar del grupu escolar XENTIQUINA:

NUN MOS GUSTEN LES LENTEYES

Vamos facevos, amiguinos, una confesión:
somos fartones, pero tenemos una excepción.
Tamos seguros que munchos de vosotros tamién
de les lenteyes poques noticies queréis tener.

Gústenmos les fabes y los macarrones
y les tayaes de los xatos culones,
l'arroz col pitu y les casadielles
y, de los gochos, hasta l'andar que tienen,
pero non, les lenteyes non.
Non, les lenteyes non, que non.
Les lenteyes, amiguinos,
son pa nosotros obsesión.

Les güeles dicen que comeles da fierro a mamplén:
pa eso chupamos les ruedes de la máquina'l tren.
Tamos seguros que munchos de vosotros tamién
de les lenteyes poques noticies queréis tener.

Comemos sardines, ñocles de Tazones,
y ye lo mesmo que nos llamen fartones.
Llocos nos volvemos poles madalenes,
les andariques y les buenes tortielles,
Pero non, les lenteyes non.
Non, les lenteyes non, que non.
Les lenteyes, amiguinos,
son pa nosotros obsesión.

Más info:
Xentiquina foi'l grupu musical infantil que nació fai hai más de 25 años na escuela de Porrúa (Llanes) baxu'l nome de Seliquín y que siguió la so trayectoria nel vieyu C.P. de Lieres (Siero) agora llamánu C.P. Xentiquina n'Homenaxe a Fonseca y los neños y neñes que formarona parte del grupu.

Poles files de Xentiquina pasaron a lo llargo d'estos años un centenar de neños que fueron renovando'l grupu al so pasu pola Educación Primaria, siempres baxo la batuta del so ceador Nachu Fonseca, especialista n'Educación musical y autor de toles lletres y músiques.

Dempués de 25 años de vida, el grupu Xentiquina xubílase xunto coln so director y ceador. Tres 10 trabayos discográficos y cientos de conciertos por colexos y auditorios de toa Asturies, los cantares coles que crecieron tantos neños asturianos Una llabor desenvuelta por Fonseca y los sos neños mientres tantos años, siempres d'una manera dafechu desinteresada.

0 comentarios:

Publicar un comentario

Licencia de Creative Commons
llingua nel aula