La tradición na zona de Llanes: la H.OGUERA con h aspirada, grafía del asturianu oriental

La h.oguera ye un arbolón d'ocalitu o pláganu, que llega a alcanzar los 40 metros d’altura y pasar más d'una tonelada de pesu. Llántase na plaza del pueblu nos díes de fiesta. y suel quedar ehí hasta’l añu siguiente, nel que se cambia por otru, al contrario que n'otres zones d'Asturies onde la h.oguera quémase.

Plántanla los mozos del pueblu que deben axuntase toos a una pa plantar el tueru, que primero foi peláu, mientres el restu de los habitantes del pueblu síguenlos en procesion. Tres facer un furacu en suelu y gracies a los gritos del voceru que s’encarga de dirixir les maniobres, entama una operación que pue llevar tola tarde. Pa llevantalu son necesaries tres cuerdes: una val de guía y les otres dos reciben el nome de vientos. Al rodiu la h.oguera cántase y baillase tou esi día.

Ye dificil dicir cuándo entamó esta costume. En tou casu, el so orixe paez xuníu al respetu ya identificación cola naturaleza.

Esiste una cierta rivalidá ente les distintes poblaciones por ver quien consigue plantar l’árbol más grande. Eso demuestra qué bandu o comisión de fiestes preparó más les celebracione d’esi añu.

N'asturianu, esiste la hache aspirada, una grafía dialectal del oriente d'Asturies que se representa por un signu de puntuación embaxo de la lletra H, esto ye: